Psa 87 | JAE | STEP | Apômtau kêkwê nê malac sa kêkô lôc dabuŋ.

Psalms 87

PESALEM 87

Jerusalem ŋalambiŋ

1 Apômtau kêkwê nê malac sa kêkô lôc dabuŋ.
2 Apômtau têtac gêwiŋ Sion ŋasacgêdô
kêlêlêc gamêŋ ŋagêdô, taŋ Jakobnê lau sêŋgôŋ naŋ su.
3 O Anôtônê malac, ôkêŋ taŋam biŋ tonec,
taŋ eŋ kêsôm kêpi aôm naŋ gebe

4 “Aê kasa Aiguptu to Babilon sa gêwiŋ lau-taŋeŋ-wamu- aêwaga.
Ma lau Pilistia to Tirus ma Aitiopia nêŋ malacmôkê Jerusalem.”

5 Ma sêsôm êpi Sion gebe lau tokaiŋ-tokaiŋ nêŋ malacmôkê
gebe Lôlôc Ŋatau tau kêpuc tôŋ gebe êkô ŋajaŋa.
6 Apômtau eto tenteŋlatu nêŋ ŋaêmôkê ma êwa êsêac sa gebe
“Teneŋi sêkôc êsêac aŋga Jerusalem, Jerusalem ŋatau êsêac.”
7 Êsêac sênam wê to têtê gebe
“Aôm kôtu ma moasiŋ samob ŋamôkê.”
^{▼▼Kora latui nêŋ pesalem wêŋa teŋ.}